काठमाडौं, ११ माघ । नेकपा एमालेका अध्यक्ष केपी शर्मा ओलीेले वर्तमान सरकारले देशको अर्थतन्त्र ध्वस्त बनाउन लागेको आरोप लगाउनुभएको छ ।

एमाले पार्टी कार्यलय धुम्वाराहीका पत्रकार सम्मेलन गर्दै अध्यक्ष ओलीले जनताले अस्वीकार गरेको काम चलाउ सरकारले स्वेच्छाकारी ढंगले जेष्ठ नागरिकलाई उमेर घटाउने, कर्मचारीको अबकास दिने, शेयर बजारमा भ्याट लगाउने लगायतको काम गरेर सरकारले आर्थिक संकट निम्त्याउन खोजेको बताउनुभयो ।

सरकारले संबिधान कान्र्यान्वयनमा समेत असहयोग गरेको भन्दै देशको समुद्धि, बिकासको लागि बर्तमान सरकारले संबिधान बिपरित काम गर्न लागि रहेको अध्यक्ष ओलीले आरोप लगाउनु भयो ।

अहिले महालेखा परीक्षकको प्रतिवेदनमै ४८ खर्ब घाटा रहेको भएपनि नेपाली जनतालाई झुट बोलेर अनेक स्थानमा आार्थिक व्ययभार बढाएर दुरगामी असर पार्ने काममा सरकारले मनलाग्दी गरेको उहाको भनाइ थियो ।

अध्यक्ष ओलीले कर्मचारीलाई शौक्षिक अवकास दिने नाममा ६० अर्ब खर्च गर्ने, नयाँ कर्मचारी ल्याएर फेरी देशलाई कसरी हुन्छ अर्थतन्त्रलाई तल पु¥याउनका लागि अगाडि बढेको बताउनुभयो । भूकम्प पीडितलाई समेत अनुदान नदिने, सिमानाको सुरक्षामा ध्यान नदिने, मनलाग्दी एआइजीको बढुवा गर्ने जस्ता काम गरेर सरकारले गर्न नहुने काम गरिरहेको उहाँको भनाइ थियो ।

बाम एकतामा कुनै आशंका नभएको भन्दै ओलीले एमाले र माओवादी बीचमा सरकार गठन र पार्टी एकीरकणमा समस्या नभएको स्पष्ट गर्नुभयो । अध्यक्ष ओलीले पार्टी एकताका लागि आन्तरिक रुपमा कार्यदलले समेत काम गरिरहेको जानकारी दिनुभयो ।