काठमाडौं ९ भदौ । लेबनानको स्वास्थ्य मन्त्रालयले देशको दक्षिणी क्षेत्रमा इजरायलले गरेको आक्रमणमा तीन जनाको मृत्यु भएको जनाएको छ।
इजरायलले लेबनानमा हिजबुल्लाहको स्थानलाई लक्ष्य गरी आक्रमण गरेको छ।
लेबनानको दक्षिणी सहर खियाममा कारमा आक्रमण हुँदा एक जनाको मृत्यु भएको स्वास्थ्य मन्त्रालयले जनाएको छ।
एक छुट्टै विज्ञप्तिमा लेबनानी स्वास्थ्य मन्त्रालयले टिरी गाउँमा इजरायलले गरेको आक्रमणमा दुई जनाको मृत्यु भएको जनाएको छ।
यसबारे थप जानकारी दिइएको छैन।
यसअघि हिजबुल्लाहले आक्रमणमा शिया अमल आन्दोलनका एक लडाकुको मृत्यु भएको पुष्टि गरेको थियो।
हिजबुल्लाह र इजरायलबीच अहिले तनाव बढ्दै गएको छ।
इजरायलले हिजबुल्लाहका धेरै स्थानहरूलाई लक्ष्य गरी हवाई हमला गरेको छ।
तर हिजबुल्लाहले इजरायलमा ३ सय रकेट प्रहार गरेको दाबी गरेको छ।
प्रतिक्रिया दिनुहोस्