काठमाडौं, २ चैत । प्रतिनिधिसभाको उपसभामुख चयनका लागि आज निर्वाचन हुँदैछ । संघीय संसद भवन नयाँ बानेश्वरमा दिउँसो १ बजेदेखि निर्वाचन प्रक्रिया सुरु हुने संसद सचिवालयका प्रवक्ता भरतराज गौतमले जानकारी दिनुभयो ।
उपसभामुखमा वाम गठबन्धनबाट एमाले नेता डा. शिवमाया तुम्बाहाम्फे र कांग्रेसबाट पुष्पा भुसाल प्रतिस्पर्धामा हुनुहुन्छ । सभामुखमा उम्मेदवार नदिएको कांग्रेसले राष्ट्रपति र उपसभामुखमा भने उम्मेदवारी दिएको छ ।
वाम गठबन्धनको प्रष्ट बहुमत भएकाले उपसभामुखमा तुम्बाहाम्फे विजयी हुने निश्चित जस्तै छ । आजको संसद बैठकमा प्रधानमन्त्री केपी शर्मा ओलीले विशेष सम्बोधन गर्ने संभावना पनि रहेको छ ।
प्रतिक्रिया दिनुहोस्