काठमाडौं, २८ चैत्र । नेपाल शैक्षिक परामर्श संघ (इक्यान)को नयाँ कार्यसमिति चयनका लागि वैशाख ८ गते निर्वाचन हुँदैछ । निर्वाचका लागी विष्णुहरि पाण्डेले बुधबार प्यानल नै घोषणा गरेका छन् । विष्णुहरि पाण्डेको अध्यक्षतामा देवीदास भट्टराई , खड्ग लिम्बु र सपना राजभण्डारीलाई उपाध्यक्षमा अगाडि सारेको छ ।
पाण्डे समूहले महासचिवमा शेषराज भट्टराईलाई अघि सारेको छ भने कोषाध्यक्षमा गोविन्द अधिकारीलाई अघि सारिएको छ । प्रिमियर कलेज, एभरेष्ट कलेज, कोलम्बस कलेज लगायत आधा दर्जन कलेजका संचालक रहेका अध्यक्षका प्रत्यासी विष्णुहरि पाण्डे इक्यानमा लामो समय व्यतित गर्नुभएको छ । एमालेका राजनीतिमा सक्रिय रहेका विष्णहरि पाण्डे एमाले विदेश विभागको सदस्य समेत हुन् ।
प्रतिक्रिया दिनुहोस्