म्याग्दी — राष्ट्रिय विपद् जोखिम न्यूनीकरण तथा व्यवस्थापन प्राधिकरणले आइतबार र सोमबार भारी वर्षाको सम्भावना औँल्याएपछि म्याग्दीका दुई मुख्य सडकमा रातको समयमा सवारी आवागमन रोकिएको छ।
जिल्ला सुरक्षा समितिको निर्णयअनुसार बेनी–जोमसोम र बेनी–दरबाङ सडकमा आइतबार र सोमबार साँझ ७ बजेदेखि भोलिपल्ट बिहान ५ बजेसम्म यातायात सञ्चालनमा प्रतिबन्ध लगाइएको प्रमुख जिल्ला अधिकारी रवीन्द्र आचार्यले जानकारी दिए।
कालीगण्डकी करिडोरअन्तर्गत पर्ने बेनी–जोमसोम सडक मुस्ताङ जोड्ने प्रमुख मार्ग हो। यही सडक हुँदै तीर्थयात्री मुक्तिनाथदेखि चीनसँग जोडिएको कोरला नाकासम्मको यात्रा गर्छन्। यसैगरी, पश्चिम म्याग्दीलाई सदरमुकाम बेनीसँग जोड्ने बेनी–दरबाङ सडकमा पनि दुई रात यातायात बन्द गरिएको छ।
Originally published on abcnews.com.np.
प्रतिक्रिया दिनुहोस्