काठमाडौं । नेपाली कांग्रेसका पूर्वसभापति शेरबहादुर देउवालाई स्वागत गर्न पार्टीको इतर पक्षका शीर्ष नेताहरू त्रिभुवन अन्तर्राष्ट्रिय विमानस्थल पुगेका छन्।
बैंकक हुँदै हङकङ पुगेका देउवा करिब साढे पाँच महिनापछि आज काठमाडौं फर्किँदैछन्। उनलाई स्वागत गर्न राष्ट्रिय भेला आयोजक समितिका संयोजक डा. शशांक कोइरालाको नेतृत्वमा नेताहरू विमानस्थल पुगेका हुन्।
देउवालाई स्वागत गर्न पूर्णबहादुर खड्का, प्रकाशशरण महत, एनपी साउद, विमलेन्द्र निधि, कृष्णप्रसाद सिटौला, ज्ञानेन्द्र कार्की, मीन विश्वकर्मा, मोहनबहादुर बस्नेत र उमाकान्त चौधरीलगायतका नेताहरू विमानस्थल पुगेका छन्। अन्य नेता तथा कार्यकर्ता पनि विमानस्थल जाने क्रम जारी रहेको बताइएको छ।
इतर पक्षले देउवाको स्वागतमा ५ देखि ७ हजार नेता तथा कार्यकर्ता सहभागी हुने दाबी गरेको छ।
बाजागाजा र झाँकीसहित स्वागतको तयारी
देउवालाई विमानस्थलको गोल्डेन गेटअगाडिको खाली स्थान, नमस्ते गेटअगाडिको क्षेत्र तथा तिलगंगा आँखा अस्पतालअगाडि भेला भएर बाजागाजा र झाँकीसहित स्वागत गर्ने तयारी गरिएको छ।
देउवाको आगमनलाई लक्षित गर्दै त्रिभुवन अन्तर्राष्ट्रिय विमानस्थल परिसर तथा आसपासको क्षेत्रमा सुरक्षा व्यवस्था पनि कडा पारिएको छ।
साढे पाँच महिनापछि स्वदेश फर्किंदै
पूर्वप्रधानमन्त्रीसमेत रहेका देउवा करिब साढे पाँच महिनापछि नेपाल फर्किन लागेका हुन्। उनी बैंकक हुँदै हङकङबाट आज काठमाडौं आउँदैछन्।
Originally published on abcnews.com.np.
प्रतिक्रिया दिनुहोस्