काठमाडौं । नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाइमा)ले काठमाडौंको भृकुटीमण्डपमा आयोजना गरेको दोस्रो नाइमा नेपाल मोबिलिटी एक्स्पो २०२६ मा दुईपांग्रे सवारीसाधनले पनि ग्राहकको ध्यान खिचिरहेका छन्।

एक्स्पोमा चारपांग्रे सवारीसाधनसँगै विभिन्न ब्रान्डका मोटरसाइकल तथा स्कुटर प्रदर्शनमा राखिएका छन्। एक्स्पोमा बजाज, होण्डा, टीभीएस, केटीएम, रोयल इन्फिल्ड, एथर, सुजुकी, याडिया, निउ, प्यूजो, बगाउस, अल्ट्राभ्वाइलेट, जेएक्स मोटो/सीएक्स, केरेन, गारो, सीएफमोटो र ट्रायम्फलगायत ब्रान्डका दुईपांग्रे सवारीसाधन सहभागी छन्।

एक्स्पोमा सहभागी कम्पनीहरूले नयाँ मोटरसाइकल तथा स्कुटर खरिद गर्न चाहने ग्राहकलाई लक्षित गर्दै विभिन्न छुट, अफर तथा बुकिङ सुविधा ल्याएका छन्। ग्राहकले एउटै स्थलमा विभिन्न ब्रान्ड र मोडल अवलोकन गरी मूल्य, विशेषता तथा अफरबारे जानकारी लिन सक्नेछन्।

विद्युतीय तथा पेट्रोलबाट चल्ने दुवै प्रकारका दुईपांग्रे सवारीसाधन प्रदर्शनमा राखिएकाले एक्स्पोमा नयाँ पुस्ताका मोबिलिटी विकल्पसमेत आकर्षणको केन्द्र बनेका छन्।

तस्बिरमा दुईपांग्रे सवारी

एक्स्पोस्थलमा प्रदर्शनमा राखिएका विभिन्न ब्रान्डका मोटरसाइकल तथा स्कुटरका तस्बिरहरू समेत प्रस्तुत गरिएको छ। ग्राहकले एक्स्पोस्थलमै विभिन्न मोडलको अवलोकन गरी आफ्नो आवश्यकता र बजेटअनुसार सवारी छनोट गर्न सक्नेछन्।

एक्स्पोले नेपालमा बढ्दो विद्युतीय तथा आधुनिक दुईपांग्रे सवारीसाधनको बजार, नयाँ प्रविधि र उपभोक्ताको बदलिँदो रोजाइलाई समेत देखाएको छ।

Originally published on abcnews.com.np.