काठमाडौँ । सरकारले प्रारम्भिक विद्यालय कर्मचारी र प्रारम्भिक बाल विकास सहजकर्ता (ईसीडी) शिक्षकको पारिश्रमिकमा वृद्धि गरेको छ। आज बसेको मन्त्रिपरिषद्को बैठकले सो सम्बन्धी निर्णय गरेको हो।

शिक्षामन्त्री सस्मित पोखरेल, जो सरकारका प्रवक्ता पनि हुन्, विद्यालय कर्मचारी र ईसीडी शिक्षकको पारिश्रमिक जनही पाँच हजार रूपैयाँले बढेको जानकारी दिए। यसैगरी मन्त्रिपरिषद्ले माध्यमिक र निम्न माध्यमिक तहमा अनुदानमा कार्यरत शिक्षकको पारिश्रमिकसमेत बढाउने निर्णय गरेको छ।

पारिश्रमिक वृद्धि विवरण

मन्त्री पोखरेलका अनुसार माध्यमिक तहको कक्षा ९ र १० तथा निमाविमा पढाउने शिक्षण सहयोग अनुदानमा कार्यरत शिक्षकको पारिश्रमिक क्रमशः माध्यमिक र निम्न माध्यमिक तहको तृतीय श्रेणी बराबर बनाइनेछ। यो निर्णयले राज्यको वार्षिक दायित्वमा थप ४ अर्ब ६८ करोड ९८ लाख २८ हजार १०० रूपैयाँको भार पर्ने देखिएको छ।

Originally published on abcnews.com.np.