काठमाडौं । नेपाल यातायात व्यवसायी राष्ट्रिय महासङ्घले रसुवाको भोटेकोसी नदीमा आएको बाढीबाट प्रभावित नागरिकको उद्धार तथा राहतका लागि निःशुल्क बससेवा सञ्चालन सुरु गरेको छ। महासङ्घका अनुसार बाढी प्रभावित रसुवा, नुवाकोट र धादिङका नागरिकको उद्धार तथा राहत सामग्री ओसारपसारका लागि निःशुल्क बससेवा उपलब्ध गराइएको हो। उद्धारका लागि सवारीसाधन आवश्यक परेमा वा राहत सामग्री ढुवानी गर्नुपरेमा महासङ्घले सम्बन्धित व्यक्तिलाई सम्पर्क गर्न आग्रह गरेको छ। सवारीसाधन तथा राहत ढुवानीका लागि सुवन गिरी (९८५१०८१३८२), श्री श्रेष्ठ (९८५१०९८५३६), दिलबहादुर श्रेष्ठ (९८५१०५०८७९) र नरबहादुर राना (९८४१७७५७५३) लाई सम्पर्क गर्न सकिने महासङ्घले जनाएको छ।
Originally published on abcnews.com.np.
प्रतिक्रिया दिनुहोस्