गोरखा/ आज विहान साढे ३ बजे गोरखाको चुमनुब्री गाउँपालिका४ स्थित नाम्रुङ खोलामा आएको बाढीबाट विस्थापितलाई तत्काल गाउँकै खाली घरमा स्थानान्तरण गरिने भएको छ ।

खोलाको बाढीले चुमनुब्री–४ नाम्रुङ बस्ने नगु छिरिङ, उर्गीन लामा, लाक्पाभुटी लामा र दोर्जे झाल्नको कच्चीघर बगाएको छ । बाढीका कारण कुनै मानवीय क्षती भने नभएको प्रहरीले जनाएको छ । बाढीले चुमनुब्री ४ नाम्रुङ र वडा नम्बर २ भन्जम जोड्ने ट्रस पुल बगाएको छ ।

अहिले उक्त खोलामा पानीको बहाव कम भई खोला पहिलाकै अबस्थामा पुगेको छ । तर वुढिगण्डकी नदी आसपास रहेको वस्तिहरुमा उच्च सतर्कता अपनाउनुपर्ने अवस्था रहेको गाउँपालिकाले जनाएको छ । गाउँपालिकाबाट तत्काल राहतका लागि खाद्यान्न लगायतका सामग्री उपलब्ध गराउने तयारी भइरहेको छ । नामरुङ गाउँमा खाली रहेका घर वा छिमेकीहरूको घरमा अस्थायी बसोबासको लागि आवश्यक तयारी पनि भइरहेको गाउँँपालिका अध्यक्ष निमा लामाले बताएका छन् ।

Originally published on abcnews.com.np.