तेह्रथुम, २७ वैशाख । क्रिस्चियन धर्मको प्रचार गर्दै हिँडेका ६ जनालाई तेह्रथुमको आठराई संक्रान्तिबजारबाट पक्राउ गरिएको छ ।
संक्रान्तिबजारमा बुधवार दिउँसो क्रिस्चियन धर्मको प्रचार गर्दै हिँडेका उनीहरुलाई भारतीय नम्बरप्लेटको गाडी सहित पक्राउ गरिएको हो ।
पक्राउ पर्नेमा झापाको दमक १ का दिनेश सुब्बा र आशिष सुब्बा, दमक २ का दिपक सुब्बा, र मनतुला धिमाल तथा भारतको सिकिम, गान्तोकका भूपाल राई र पश्चिम बंगालका पवन राई रहेको ईलाका प्रहरी कार्यालय संक्रान्तिबजारका प्रहरी निरीक्षक डम्बर पुरीले जानकारी दिए ।
उनीहरुलाई थप अनुसन्धानका लागि जिल्ला प्रहरी कार्यलय तेह्रथुम पठाइएको छ ।
प्रतिक्रिया दिनुहोस्