पोखरा, १३ जेठ । पोखराको फेवातालमा तिब्र हावाहुरीका कारण डुगां पल्टिदा एक जना बेपत्ता भएका छन भने ४ जनालाई सशत्र प्रहरीको टोलीले सकुशल उद्धार गरेको छ ।
रामेछापका १८ बर्षिय सुप्रिम लामा बेपत्ता रहेका छन । सशत्र प्रहरी नायब निरिक्षक गौतम राज कुँवर नेतृत्व १५ जनाको उद्धार टोलीले सिन्धुलीका १८ बर्षिय बिशाल थापा, काठमाडौं सितापाईलाका १७ बर्षिय अनिल रोक्का, भक्तपुरका १९ बर्षिय मन्दिप मल्ल, र सोही ठाउँकै १७ बर्षिय शुनिल कुँवरको सकुशल उद्धार गरेको सशत्र प्रहरी जवान राजु थापाले जानकारी दिए ।
उनका अनुसार बेपत्ता रहेका लामाको सशत्र प्रहरीको गोटाखोरको साथमा खोजिकार्य तिबै पारिएको छ ।
तिब्र हावाहुरीका कारण पल्टिएको डुगांमा सयर बेपत्ता लामा सहित अन्य सकुशल उद्धार भएका ४ जना काठमाडौंबाट पोखरा घुम्न आएका थिए ।
प्रतिक्रिया दिनुहोस्