बुटवल, २६ असार ।
रुपन्देहीको रुद्रपुरमा गत असार १० गते एकजना किसोरी जलाईएको घटना थप रहश्यमय बन्दै गएको छ । आत्महत्याको जलप दिएर सामसुम पार्न खोजिएको आगजनीको घटना मृतककी आमा बिदेशबाट फर्केपछि भने थप रहश्यमय बन्दै गएको हो ।
असार १० गते राती करिव ३ बजे अज्ञात समुहले एक जना युवती जलाएको खबर सार्वजानीक भएको थियो । रुपन्देहीको कञ्चन गाउँपालिका वडा नम्बर–५ पिपरीचाँपकी समिक्षा ठकुरी आगजनीमा परेसक थिईन् । जन्म दिने आमा विदेशमा रोजगारीको शिलसिलामा रहेको बेला घरमा हजुर आमा, हजुर बुबा र जुजुहजुर आमा संगै बस्दै आएकी समिक्षालाई सुरुका दिनामा अज्ञात समुहले आगो लगाईदिएको भनिएपनि पछिल्ला दिनहरुमा आगजनीको आरोप घरभित्रै सोझीएको छ ।
घटना घटेको १३ दिनपछि परिवारबाट ईलाका प्रहरी कार्यालय बुटवलमा जाहेरी आएको घटनामा परेकी समिक्षा जलेको ९ दिनपछि कीर्तिपुर अस्पताल काठमाण्डौमा मृत्यु भएको थियो । मृतकको आमाको उजुरीका आधारमा प्रहरीले मृतकका बुबा तेजेन्द्र ठकुरीलाई सोधपुछको लागि नियन्त्रणमा लिएको छ ।
जलाइएकी समिक्षालाई आफन्तले १० गते बिहानै लुम्बिनी अञ्चल अस्पतालमा ल्याए पनि उपचार हुन नसकेपछि पाल्पा हुँदै काठमाडौं ‘रीफर’ गरिएको थियो । गत असार २० गते बिहान साढे ६ बजे मृत्यु भएकी समिक्षाको शव पोष्टमार्टमका लागि अहिले पनि शिक्षण अस्पताल काठमाडौंमै राखिएको छ ।
१५ वर्षदेखि मामा घरमा बसेर पढ्दै आएकी समिक्षा गत तिहारपछि मात्र आफ्ना बुवासँगै बस्दै आएकी थिइन् । समिक्षाका बुवा तेजेन्द्र ठकुरीले अर्की श्रीमती ल्याएपछि आफ्नी आमासँगै मामाघर बस्दै आएकी उनले कक्षा १० मा पढ्न बुवासँगै बस्दै आएकी थिइन् । समिक्षाकी आमा बैदेशिक रोजगार लागि इराकमा थिईन् । हाल छोरीको घटना भएपछि उनी रुपन्देही आएकी छिन् । मृतकको मामाघर तर्फको आशंकाका आधारमा हजुर आमा हरिमायाँ ठकुरीलाई पनि प्रहरीले अनुसन्धानको लागि नियन्त्रणमा लिएको छ ।
प्रहरी नियन्त्रण अगाडी एबीसीसंग कुरा गर्दै हजुर आमा हरिमायाँ ठकुरीले आगो लागेर बाहिर गल्लीमा पल्टीएको नातीनी(समिक्षा)लाई लुङ्गी(साडी)ले छोपेर आफैले आगो निर्भाईदिएको बताएकी थिईन् ।
समिक्षा जलिरहेका बेला उक्त कोठामा समिक्षाकी जीजु हजुर आमा समेत थिईन् । बृद्ध अवस्थाकी उनी बोल्न सक्छीन् तर कान सुन्दैनन् । उता मृतककी हजुर बुबा दोर्ण बहादुर ठकुरीले आफु माथिल्लो तलामा सुत्दै आएको बताउदै घटना भएको थाहा पाएपछि आफैले अटो रिक्सा बोलाएर अस्पताल पु¥याएको बताउंछन् ।
बैदेशिक रोजगारीको शिलसिलमा साउदी अरब रहेकी आमा मायाँ ठकुरी(थापा) नेपाल आएपछि मात्रै प्रहरीमा जाहेरी दर्ता भएको थियो । मृतककी आमा मायाले छोरीको नियोजित रुपमा नै हत्या गरिएको दाबी गर्दै आएकी छिन् ।
मृतक समिक्षाकी सानीमा रचना बुढाथोकीले मृतकले मर्नु अघि हजुर आमाले नै आगो लगाएको भनेर आफुलाई भनेको बयान दिएपछि घटनाले नयां मोड लिएको थियो ।
ईलाका प्रहरी कार्यालय बुटवलका प्रमुख प्रहरी नायब उपरीक्षक डिल बहादुर मल्लले मृतकका आफन्तले कार्यालयमा उजुरी दिएको जानकारी दिदै अनुसन्धान जारीरहेको बाहेक अरु बताउन चाहेनन् ।
समिक्षा हत्याकाण्डका बिषयमा सोमबार बसेको प्रदेशसभाको बैठकमा समेत सभासदहरुले प्रश्न उठाएका थिए । समिक्षालाई जलाईएको बिषय महिला हिंसाको अराजक स्वरुप भन्दै सभासदहरुले कारवाहीको माग गरेका थिए ।
समिक्षा जलेकी हुन् वा जलाईएकी भन्ने बिषयमा प्रहरीले समयमै अनुसन्धान त गर्ने नै छ । घटनाको प्रकृतिले समिक्षा मारिनुमा फेरीपनि बैदेशीक रोजगारीको बाध्यता कारक हो भन्न भने सकिन्छ ।