अछाम,१६ साउन । मंगलसेन नगरपालिकाका नगरप्रमुख पदम बहादुर बोहराले यहाँका सरोकारवालाहरुले नगरपालिकालाई सहयोग नगरेको गुनासो गर्नुभएको छ । मंगलसेन नगरपालिकालाई अबैध घरेलु र कमसल खालको मदिरा मुक्त नगरपालिका बनाउने आफ्नो योजना रहे पनी स्थानीय ब्यापारी, स्थानीय बासिन्दा र स्थानीय राजनितिक दलबाट आफुले सहयोग नपाएको उहाँले गुनासो गर्नु भएको हो ।

स्थानीय निर्बान बाट आफु बिजयी भैसकेपछी २०७४ साल अषाढ २० गते पदबहाली भएकै दिन मंगलसेनलाई शान्त, ब्यबस्थित र सुन्दर नगर बनाउने निर्णय गरेपनी स्थानीय सरोकारवालाको असहयोगका कारण निर्णय कार्यन्वयन हुन नसकेको नगरप्रमुख बोहराले बताउनु भयो ।

“हामीले घरेलु मदिरा र कमसल खालको मदिरा उत्पादन, बिक्रिबितरण र सेवन नगर्न पटक पटक कार्यपालिकाबाट निर्णय गरेका छौ, सुचना जारी गरेका छौ तर हाम्रो निर्णय र सुचनालाई बेवास्था गरी यस्तो खालको मदिरा उत्पादन, बिक्रिबितरण भैरहेको छ अब हामी प्रहरी प्रशासनको सहयोग लिएर भएपनी मदिरा नियन्त्रण गरेरै छाड्छौ” उहाँले भन्नुभयो ।

आफ्नो अनुरोधमा जिल्ला समन्बय समितिमा ३ पटक जिल्लाका सबै स्थानीय तह, राजनितिक दल, जिल्ला प्रहरी, जिल्ला प्रशासन, नागरिक अगुवा र संचारकर्मिहरु बिच मदिरा ब्यवस्थापनका बारेमा छलफल समेत गरिएको नगरप्रमुख बोहराले बताउनु भयो । मंगलसेन नगरपालिकाले मदिरा ब्यबस्थापनका लागी गत असाढ देखी हाल सम्म पटक पटक छलफल गरेको, वडा स्तरमा छलफल तथा निर्णय भएका र सुचना जारी गरिएका भएपनी स्थानीय ब्यापारीहरुले अटेर गरर्दै आईरहेका मंगलसेन नगरपालिका वडा नं ६ का वडाअध्यक्ष जनकाराज भण्डारीले बताउनु भयो ।

नगरपालिकाले मदिरा ऐनअनुसार बिद्यालय, मठमन्दिर, स्वास्यसस्था जस्ता सार्बजनिक स्थानबाट २ सय मिटर टाढा मात्र अनुमती प्राप्त ब्यवशायीले मदिराको कारोबार गर्न भनेपनी मदिरा ब्यापारीहरुले अटेर गरिरहेका जनप्रतिनिधिहरुले गुनासो गरेका छन ।

अहिले पनी मंगलसेन नगरपालिकाका बिभिन्न ठाँउमा अबैध घरेलु मदिरा उत्पादन तथा बिक्रिबितरण भैरहेको र कतिपय ब्यवशायीले अनुमती नलिएरै अबैधरुपमा मदिराको कारोबार भैरहेको नगरपालिकाले जनाएको छ ।

२०४३ सालमा अछामका नागरिक अगुवा, राजनितिक दलको पहलमा मन्त्रीपरिषदको बैठकबाटै मदिरा निषेधित गरिएको भएपनी २०६८ सालमा अछामका ब्यपारी, अछाम उद्योग बाणिज्य संघ र केही राजनितिक दलको अगुवाईमा अछाममा मदिरा खुल्ला गरिएको थियो ।