चितवन ,२६ साउन । प्राध्यापक डाक्टर गोविन्द केसीले सरकारले गरेको सम्झौता अक्षरस पालना नभए फेरि पनि अनसन बस्ने चेतावनी दिनुभएको छ ।
शनिबार प्रधानमन्त्री निबास बालुवाटारमा प्रधानमन्त्री केपी ओलीसंग भएको छलफलमा डाक्टर केसीले आफ्ना माग पुरा नभए १६ औं पटक अनशन बस्ने केसीले चेतावनी दिनुभएको हो ।
प्रधानमन्त्रीसंगको छलफलमा सम्झौताको विषयमा सम्झाएको डाक्टर केसीको भनाई छ । छलफलमा प्रधानमन्त्री ओलीले आफ्नो र केसीको अभियान एउटै रहेको तर त्यो बुझ्न आफूलाई समय लागेको बताउनुभएको थियो ।
प्रधानमन्त्री ओलीले सम्झौता संवेदनशील भएको र ती पूरा गर्न समयसीमा बाँधेर गर्न नसकिने भन्दै आफु गम्भीर भएर लागेको बताउनुभयो । छलफलपछि डाक्टर केसीले प्रतिवद्धता पूरा गर्नु आम जनताले गुणस्तरीय र सर्भसुलभ शिक्षा पाउनु भएकाले सबै गम्भीर हुनुपर्ने बताउनुभयो ।
स्वास्थ्य शिक्षा र स्वास्थ्य क्षेत्रमा सुधारका लागि विभिन्न माग राख्दै केसीले असार १६ गतेबाट १५ औं अनशन जुम्लाबाट सुरु गर्नुभएको थियो । २७ दिन पछि सरकारसँग भएको सहमति अनुसार उहाले अनसन तोड्नुभएको थियो ।
प्रतिक्रिया दिनुहोस्