पाल्पा १९ भाद्र । सरकारद्धारा गठित उच्च स्तरीय वार्ता समितीका संयोजक सोम प्रसाद पाण्डेले द्धन्द्धरत, र आन्दोलनरत पक्षसंग वार्ता गरी देशमा शान्ती कायम गर्न वर्तमान सरकार लागिपरेको बताउनु भएको छ ।

देशमा सबै किसिमको राजनितिक उपलव्धी प्राप्त भएकोले सरकारले सवै पक्षलाई समेटेर देशविकास निर्माण एकताबद्ध गराउन थालेको महाअभियान लाई उच्च स्तरी वार्ता समितीले सफल बनाउने संयोजक पाण्डेले बताउनु भयो ।

प्रेश संघठन पाल्पाले तानसेनमा गरेको पत्रकार भेटघाट कार्यक्रममा बोल्दै उच्चस्तरीय वार्ता समितीका संयोजक पाण्डेले २०६३ साल यता भएका अपुरा, अधुरा बार्ताहरु लाई पुरा गर्ने, वार्तामा सहमति भएको तर कार्यान्वयन नभएको सहमतिहरु कार्यान्वयन गर्ने बताउनु भयो ।

विभिन्न किसिमका मागहरु राखेर २३ वटा पार्टी आन्दोलनरत रहेकोमा ४ वटा संग वार्ता भईरहेको १ वटा पाटी संगको वार्ता अन्तिम चरणमा पुगेको उच्च स्तरीय वार्ता समितीका संयोजक पाण्डेले बताउनु भयो ।

वार्ताको समयमा कसैलाई प्रहरी प्रशासन द्धारा प्रकाउ नगरिने सुरक्षाको ग्यारेन्टी समितीले लिने संयोजक पाण्डेले बताउनु भयो । भुमिगत तथा अर्धभुमिगत समुहहरु संग पनि औपचारीक अनौपचारीक रुपमा वार्ताको तयारीमा समिती लागेको पाण्डेले बताउनु भयो । सरकारले हालै सवैपक्ष संग वार्ता गर्न ५ सदस्यीय समिती गठन गरेको हो ।