बुटवल, १७ पुस । ५ नम्बर प्रदेश सरकारले थारु समुदायको ठूलो पर्व माघीको अवसरमा दुई दिन सार्वजनिक विदा दिने भएको छ । मंगलबार बसेको प्रदेश ५ को मन्त्रिपरिषद बैठकले माघे संक्रान्ति माघीको अवसरमा माघ १ र २ गते प्रदेश नम्बर ५मा सार्वजनिक बिदा दिने निर्णय गरेको हो ।
प्रदेश ५मा थारु जातिको बाहुल्यता रहेको साथै मगर जातिको पनि ठूलो उपस्थिती रहेकाले सरकारले माघे संक्रान्तिका अवसरमा दुई दिन सार्वजनिक बिदा दिने निर्णय गरेको मुख्यमन्त्री शंकर पोखरेलका प्रेस सल्लाहकार शेरबहादुर केसीले जानकारी दिनुभयो ।
सल्लाहकार केसीका अनुसार माघीकै अवसरमा पुस ३० मसान्तका दिन सरकारको आन्तरिक मामिला तथा कानुन मन्त्रालयले शुभकामना आदान–प्रदान सहित जलपान कार्यक्रम समेत गर्ने भएको छ ।
९ असार २०८३, मंगलबार
थारु र मगरको नयांवर्षमा प्रदेश नम्बर ५ मा सार्वजानिक बिदा
sharan sharan
१७ पुस २०७५, मंगलबार १० : ०२ बजे
प्रतिक्रिया दिनुहोस्