झापा, २ मंसिर ।
नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डले आजबाट पुर्वि नेपालको चुनावी दौडाहा सुरु गर्नु भएको छ । आज पुर्वको झापाका बिभीन्न सभाहरुलाई सम्बोधन गर्दै उहांहरुले अव नेपालमा कम्युनिष्ट सरकार बन्नबाट कसैले रोक्न नसक्ने बिचार ब्यक्त गर्नुभएको छ । अध्यक्ष द्धयले देशमा कम्युनिष्ट एकता भईसकेको भन्दै औपचारीक घोषणा निर्वाचन पछि गरिने बताउनुभयो । वामपन्ंथी सरकार बहुमतका सरकार हुन बाट कसैले रोक्न नसक्ने उहांहरुको भनाई छ ।
अध्यक्ष ओलीले झापाको दमकमा चुनावी आम सभालाई सम्वोधन गदै देश हाक्दै कसैले हल्लाउन नसक्ने पार्टी निर्माणको लागी महान अभियानमा लागेको जिकीर गर्नुभयो । उहांले जनताका समस्या समाधान गर्नसक्ने वामपन्थिको बहुमतको सरकार हुने र सरकार गठनमा कसैले रोक्न नसक्ने बताउनु भयो । ओलीले कांग्रेसका नेताहरुले बामपन्थीको सरकार बने देशमा अधिनायकबाद आउने कुरा गर्नु र जताततै बम बिस्फोट हुनु संयोग मात्र नभएको समेत आरोप लगाउनु भयो ।कार्यक्रममा बोल्दै माओवादी केन्द्रका अध्यक्ष पुष्पकमल दाहालले वाम एकता विगतमा जस्तो नभएको र आकस्मिक रूपमा पनि नआएको स्पष्ट पार्नु भयो ।

उहांले मुलुकलाई ७० वर्षदेखिको राजनैतिक अस्थिरताको भुमरीबाट निकाल्दै देशलाई समृद्धि र समाजवादतर्फ जान अघि बढन् कम्युनिस्ट एकताको लागी आफुहरुले जोखिम मोलेकको बताउनु भयो ।अध्यक्ष प्रचण्डले बामशक्तिले जित्दा अधिनायकवाद र कंग्रेसले जित्दा लोकतन्त्र हुने भन्ने कुरा राजनीतिक भ्रम मात्र भएको दावी गर्नुभयो । चुनाउ रोक्न अनेक षड्यन्त्र भएकोले यसलाई चिर्न गठबन्धन तयार भएको उदघोष गर्नुभयो । चुनावको माहोल ह्वात्तै बढेको छ, जनता सडकमा आइसकेको बताउदै जनताले सही निर्णय मतबाट गर्ने भएकोले केही शक्ति अत्तालिएको बताउनु भयो । साथै प्रचण्डले बिर्तामोडमा आयोजित स्वास्थ्य महोत्सवको पनि उदघाटन समेत गर्नुभएको थियो ।

 उहांले कम्युनिष्टहरुबीच एकिकरण गर्दै स्थिर सरकार बनाउने र समृद्धिको यात्रा तय गर्ने बताउनु भयो । केपी वलीले पन्चायतको विरुद्धमा संघर्ष गरेको चर्चा गर्दै, जनयुद्धले सामन्ती राजतन्त्र ढलेर गणतन्त्र आएको जिकिर गर्नुभयो । अध्यक्ष द्धय ओली र प्रचण्डले बिर्तामोडमा आयोजित स्वास्थ्य महोत्सवको पनि उदघाटन समेत गर्नुभएको थियो ।
अध्यक्ष ओली र प्रचण्डले आईतबार काकडभित्ता र बिराटचोकको चुनावी सभालाई सम्बोधन गर्नुहुने वामगठबन्धनले जनाएको छ ।