नागरिकमा भएको निर्वाचन हु“दैन कि भन्ने आशंकालाई चिर्दै अन्ततः मुलुकमा निर्वाचन हुने नै भएको छ । स्थानीय तहको निर्वाचन जसरी अशंकाहरुबीच सफलतापूर्ण सफल भयो त्यसरी नै प्रदेश र प्रतिनिधि सभाको निर्वाचन सफल हुन सके नेपालमा अस्थिरताको सपना बुनेर बसेकाहरुलाई दरो जवाफ मात्र हुने छैन, संबिधानको सफल कार्यान्वयन पनि हुनेछ ।
बिभिन्न उतार चढाव र नागरिकमा भएको आशंकालाई चिर्दै अन्ततः निर्वाचन हुने निश्चित भएको छ । घटनाक्रमहरुले केहि आशंका जन्माए पनि निर्वाचन आयोगको सक्रियता र दलहरुको सजगताका कारण निर्वाचनको महासंग्रामको दोस्रो अभियानको तयारी पूरा भएको निर्वाचन आयोगले जनाएको छ । स्थानीय तहको निर्वाचनमा जस्तै निर्वाचनका बिषयमा सडकमा देखिएको आशंकालाई झुटो साबित गर्दै प्रेदश र प्रतिनिधि सभाअन्तर्गत पहिलो चरणमा हुने निर्वाचनको सम्पूर्ण तयारी पुरा भएको निर्वाचन आयोगले जनाएको छ ।
पहिलो चरणमा ३२ जिल्लाका ३७ प्रतिनिधिसभा र ७४ प्रदेशसभा सदस्यका लागि हुने निर्वाचनका आवश्यक निर्वाचन सामग्री व्यवस्थापन, सुरक्षा व्यवस्था लगायत सबै काम पूरा भएको जानकारी गराएको हो । निर्वाचन आयोगले कान्तिपथस्थित कार्यालयमा शनिवार पत्रकार सम्मेलन गरेर मतदाताहरुलाई निर्धक्क भएर मतदान गर्न आह्वान गरेको छ । निर्वाचन आयोगका प्रमुख आयुक्त अयोधीप्रसाद यादवले निर्वाचनको सम्पूर्ण तयारी पुरा भएको जानकारी दिंदै निर्वाचनमा सहभागी भई आफूले चाहेको उम्मेदवारलाई मताधिकार प्रयोग गर्न आग्रह आममतदातालाई गरे ।
आयोगले कुनै करणबश मतदाता आफ्नो परिचयपत्र प्राप्त गर्न नसकेको अवस्थामा वा हराएमा सरकारले जारी गरेको कुनै पनि सक्कली परिचय पत्रका आधारमा मतदान गर्न पाउने व्यवस्था मिलाएको बताएको छ । आयोगका अनुसार पहिलो चरणमा आइतबार निर्वाचन हुने जिल्लाहरुमा ३१ लाख ९१ हजार ९ सय ४५ मतदाताले मतदान गर्ने छन् भने प्रतिनिधिसभाका लागि २ सय ८२ जना र प्रदेशसभाका लागि ४ सय २० जना उम्मेदवार चुनावी प्रतिस्पर्धामा छन् ।
प्रमुख निर्वाचन आयुक्त डा. यादवले राजनीतिक दल, उम्मेदवार तथा आम संचारमाध्यमहरुलाई निर्वाचन आचार संहिताको परिधिभित्र रहि आ–आफ्नो जिम्मेवारी बहन गर्न सचेत समेत गराएका छन् ।
निर्वाचबाट बनेको स्थानीयतहलाई संस्थागत गर्न, पहिलो पटक हुन गइरहेको संघीय संरचनाको कार्यान्वयन गर्न र संबिधानलाई जनस्तरसम्म पु¥याउन पनि यो निर्वाचनले महत्वपूर्ण भुमिका पु¥याउने निश्चित छ । त्यसैले दलहरु मात्र नभै प्रेदेश र प्रतिनिधिसभाको निर्वाचन सफल बनाउन सम्पूर्ण वर्ग, तह र तप्काका नागरिक सक्रियताका साथ सहभागी हुन आवश्यक छ ।