नेपालगञ्ज, १८ फागुन ।
बाँकेको नेपालगञ्जमा सुरु भएको प्रधानमन्त्री कप अन्तर्राष्ट्रिय आमन्त्रण महिला भलिबलको छैटौं संस्करणमा सशस्त्र प्रहरी बलको एपिएफले विजयी सुरुवात गरेको छ ।
आइतबार नेपालगञ्जस्थित रंङ्गशालाको कवर्डहलमा भएको पहिलो खेलमा एपिएफले नेपाली सेनाको त्रिभुवन क्लबलाई ३–१ सेटमा पराजित गर्दै विजयी सुरुवात गरेको हो । एपिएफले २३–२५, २७–२५, २५–१७ र २५–२३ को प्रतिष्पर्धात्मक सेटमा नेपाली सेनालाई हराउँदै एपिएफले विजयी सुरुवात गर्न सफल भयो । प्रतियोगितामा नेपाल एपीएफ क्लब, नेपाल पुलिस क्लब, त्रिभुवन आर्मी क्लब, न्यू डायमण्ड एकेडेमी, भारतीय टिम पश्चिम बंगाल र एसएसबी लखनउ गरी ६ टिमले सहभागिता जनाएको प्रतियोगिता संयोजक प्रदेश सांसद कृष्णा केसी (नमुना) ले जानकारी दिनुभयो । आगामी २२ गतेसम्म चल्ने प्रतियोगिताको आज एक समारोहका बिच प्रदेश ५ सरकारका मुख्यमन्त्री शंकर पोखरेलले गर्नुभएको थियो । उदघाटन समारोहलाई सम्बोधन गर्दै मुख्यमन्त्री पोखरेलले प्रधानमन्त्री कप महिला भलिबल खेलको छटौं संस्करणले अन्तरराष्ट्रिय महिला भलिबल खेलाडि जन्माउने बिश्वास ब्यक्त गर्नुभयो । उहांले प्रतियोगिता आयोजनाको संयोजन गर्ने गर्ने प्रदेश सभाका महिला सभासद तथा बांकेका स्थानीयतहका उपाध्यक्षहरुलाई धन्यबाद ब्यक्त गर्नुभयो ।
छैठौं संस्करणसम्म आइपुगेको प्रधानमन्त्री भलिबल कप प्रतियोगितामा प्रथम हुने टिमले दुई लाख, उपविजेतालाई एक लाख र तृतीय हुने टिमलाई ५० हजार रुपैयाँ पुरस्कार सहित ट्रफी पाउनेछन् ।