काठमाडौं २ जेठ — नेपाल सरकारले छिटै कालापानी, लिपुलेक तथा लिम्पियाधुरासहितको नेपालको नक्सा जारी गर्ने भएको छ । सरकारको नीति तथा कार्यक्रम प्रस्तुत गर्दै राष्ट्रपति विद्या देवी भण्डारीले आज यो घोषणा गर्नुभएको हो । यसैबीच शुक्रबार विहान बसेको नेकपाको सचिवालय बैठकले लिम्पियाधुरा, लिपुलेक र कालापानीसहितको नक्सा जारी गर्ने कुरा नीति कार्यक्रममा समावेश गर्न सुझाव दिएको थियो । सरकारको २७६ बुंदे नीति कार्यक्रमको २६९ औै बुंदामा भनिएको छ ।
– “नेपाल सरकार नेपालको अन्तराष्ट्रिय सीमाको संरक्षण र गर्न प्रतिवद्ध छ । अन्तराष्ट्रिय सीमा निरीक्षण कार्यलाई निरन्तरता दिइनेछ । ऐतिहासिक नक्सा, तथ्य प्रमाणका आधारमा कुटनीतिक माध्यमबाट भारतसंगका् सीमा सम्वन्धी वि गत लामो समयदेखि बांकी रहेका र समय समयमा उठिरेहका विषयरुको समाधान गरिनेछ ।
लिपुलेक, लिम्पियाधुरा र कालापानी नेपालको भूमि हो र त्यसलाई प्राप्त गर्न ठोस कुटनीतिक पहल गरिनेछ । तदनुरुप नै छुटेको भूमि समेत समावेश गरी छिटै नेपालको नक्सा जारी गरिनेछ ।”
सरकारको नीति कार्यक्रममा नै भारतसंगको विवादित भनिएको विषय अब सार्वभाृैम संसदको साझा विषय बनेको छ ।
आजै बसको नेकपा सचिवालय बैठकमा पहिला नक्सा जारी गर्ने त्यसपछि वार्ता र कुराकानी हुंदै गर्छ भन्ने निष्कर्षमा प्रधानमन्त्रीसहितका नेकपा नेताहरु पुगेका थिए । यस अघि सरकारले ल्याउने नीति कार्यक्रममा सत्तारुढ दलभित्र छलफल नभएको भन्दै विरोध भएपछि शुक्रबार विहान नेकपा सचिवालयको बैठक बसेको थियो । त्यसैगरी तत्काल भारतले अतिक्रमित गरेको भूमि समेटिएको नक्सा सार्वजनिक गर्न बुधबार भएको सर्वदलीय बैठकले समेत सरकारलाई सुझाव दिएको थियो ।

सचिवालयका एक नेताका अनुसार सरकारको अहिले प्रस्तुत हुने नीति तथा कार्यक्रममै नेपालको भूमि र नक्साको बिषयमा समेत संवोधन हुने सम्भावना छ ।नेपालले अरूकै निर्देशनमा लिपुलेक सडकको विरोध गरेको भरतीय सेनाप्रमुखको आरोप