काठमाडौं, १५ साउन । पछिल्लो २४ घण्टामा नेपालमा थप २७४ जनामा कोरोना भाइरसको संक्रमण भएको छ ।
२४ घण्टामा देशका विभिन्न प्रयोगशालामा गरिएको ६ हजार ३ सय ४ जनाको परीक्षणका क्रममा २ सय ७४ जनामा कोरोना पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो । उहाका अनुसार आज थपिएका सहित नेपालमा संक्रमितको संख्या १९ हजार ५ सय ४७ जना पुगेको छ।
बिहीबार थप २२७ जना कोरोना संक्रमणमुक्त भएका छन्। योसहित नेपालमा हालसम्म १४ हजार २ सय ४८ जना उपचारपछि निको भएका छन्। नेपालमा हालसम्म ५२ जना संक्रमितको मृत्यु भएको छ।
प्रतिक्रिया दिनुहोस्