काठमाडौं, ६ भदौ । सत्तारुढ नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालको सुरक्षामा खटिएका ९ जना प्रहरीमा कोरोना भाइरसको सङ्क्रमण पुष्टि भएको छ ।३५ जनाको स्वाब संकलन गरिएकोमा नेता नेपालका पीएसओसहित ९ जनामा सङ्क्रमण पुष्टि भएको उहाँको निजी सचिवालयले जनाएको छ । नेता नेपाल र उहाँको परिवारका अरु सदस्यको कोरोना रिपोर्ट भने नेगेटिभ आएको छ । अस्ति बिहीबार नेता नेपाल, उनको परिवार, उहाँको सुरक्षामा खटिएका सुरक्षकर्मीसहित निवासमा रहेका ३५ जनाको स्वाब संकलन गरिएको थियो ।सङ्क्रमण देखिएका सबैलाई गएराति नै आइसोलेशनमा पठाइसकिएको सचिवालयले जनाएको छ ।
प्रतिक्रिया दिनुहोस्