काठमाडौं, १९ भदौ । मन्त्रिपरिषद्को बैठक बैठक सकिएको छ । प्रधानमन्त्री निवास बालुवाटारमा बसेको बैठकमा प्रधानमन्त्री केपी शर्मा ओलीले मन्त्रिमण्डल हेरफेर नहुने भन्दै ढुक्क भएर काम गर्न मन्त्रीहरुलाई आश्वासन दिनु भएको छ । यस्तै बैठकमा अर्थमन्त्रीको राजीनामाको विषयमा छलफल भएको र अर्थमन्त्री अब राष्ट्रियसभा सदस्य नरहने भएपछि उहाँलाई राजीनामा दिन सुझाइएको छ ।
खतिवडाले शुक्रबार साँझसम्म राजीनामा दिने एक मन्त्रीले बताए । यस्तै मन्त्रिपरिषद् बैठकमा ओलीले हालसम्मको सहयोगका लागि खतिवडालाई धन्यवादसमेत दिएका छन् । बिहीबार नेकपाको सचिवालय बैठकमा प्रधानमन्त्री केपी शर्माओलीले गौतमलाई राष्ट्रियसभा सदस्यमा सिफारिस गर्ने जानकारी गराएका थिए । सरकारले यसै अनुसार गौतमको नाम सिफारिस गर्ने भएको हो ।
प्रतिक्रिया दिनुहोस्