रुपेन्द्र पटेल–

रौतहट,२२ कार्तिक । रौतहट प्रहरीले घाँस काट्न गएकी युवतीलाई जवर्जस्ती करणी गर्न खोजेको आरोपमा एक जनालाई पक्राउ गरेको छ । पक्राउ पर्नेमा रौतहटको चन्द्रपुर नगरपालिका वडा नं—१ मंगलपुरका शुभराज थापा रहेको इलाका प्रहरी कार्यालय चन्द्रनिगाहपुरले जानकारी दिनुभयो ।

आरोपी थापाले पौराई स्थित पूर्व पश्चिम लोकमार्ग सडक छेउका जंगलमा घाँस काट्न गएकी एक १६ वर्षीया युवतीलाई मुख थुनेर जवर्जस्ती जंगलको झाडी तर्फ लगि करणी गर्न खोजेको इलाका प्रहरी कार्यालय चन्द्रनिगाहपुरका प्रमुख प्रहरी नायव उपरीक्षक हेम शाहीले जानकारी दिनुभयो ।

थापाले करणी गर्ने प्रयास गर्न लाग्दा युवतीले कराउन थालेपछि उनी भागेको र पिडित युवतीको जाहेरीको आधारमा उनलाई इलाका प्रहरी कार्यालय चन्द्रनिगाहपुरको टोलीले पक्राउ गरेको प्रहरी नायब उपरीक्षक शाहीले बताउनुभयो । पक्राउ परेका थापालाई जिल्ला अदालत गौरबाट पहिलो पटक दिन ७ को म्याद थप गरि अनुसन्धान गरिरहेकोे प्रहरीले जनाएको छ ।