काठमाडौं, ११ फागुन । नेपाल कम्युनिस्ट पार्टी (नेकपा) को दाहाल–नेपाल समूहका अध्यक्ष माधवकुमार नेपालले सर्वोच्च अदालतले ऐतिहासिक फैसला सुनाएको बताउनुभएको छ । मङ्गलवार सर्वोच्चको फैसलापछि ट्वीट गर्दै नेता नेपालले भन्नुभएको छ, ‘सर्वोच्च अदालतको ऐतिहासिक फैसलाले नागरिकको जित भएको छ, सम्मानित अदालतले प्रशंसनीय र ऐतिहासिक फैसला सुनाएर लोकतन्त्रको रक्षा गरेकोमा सर्वोच्च अदालतप्रति आभार व्यक्त गर्दछु ।’ नेता नेपालले सम्पूर्ण नागरिक, आन्दोलनमा उत्रेका दल, नागरिक समाज, मिडिया, समाजका सबै तहका नागरिकलाई हार्दिक धन्यवादसमेत दिनुभएको छ । गएको पुस ५ गते भएको प्रतिनिधि सभा विघटनको निर्णय असंवैधानिक भएको भन्दै सर्वोच्च अदालतमा १३ वटा रिट परेका थिए ।
११ असार २०८३, बिहिबार
सर्वोच्च अदालतको ऐतिहासिक फैसला, नागरिकको जित भयो : अध्यक्ष नेपाल
प्रतिक्रिया दिनुहोस्