काठमाडौँ, ३ असार । नेपाली कांग्रेसका नेता प्रकाशमान सिंहले राष्ट्रलाई अहित हुने काम कांग्रेस सरकारले कहिल्यै नगर्ने बताउनुभएको छ । शुक्रबार अन्तर्राष्ट्रिय सम्बन्ध समितिको छलफलमा बोल्दै नेता सिंहले राष्ट्रलाई अहित हुने काम कांग्रेस सरकारले कहिल्यै नगर्ने दाबी गर्नुभएको हो । उहाँले राष्ट्रहीत विपरितका काम कांग्रेसले गर्छ भनेर नसोच्न पनि आग्रह गर्नुभयो ।
नेता सिंहले हरेक सरकारले चाल्ने गतिविधिहरू पारदर्शी हुन आवश्यक रहेको बताउनुभयो ।स्टेट पाटनरसिप प्रोग्राम (एसपीपी) मार्फत विपद्का बेलामा सरकारले नागरिकका लागि सहयोग मागेको जिकिर गर्नुभयो ।
नेता सिंहले सरकारले कुनै पनि हालतमा एसपीपी सम्झौता स्वीकार्य नहुने भनिसकेको भन्दै यसलाई शंकाको दृष्टिले हेर्न उचित नहुने बताउनुभयो ।
प्रतिक्रिया दिनुहोस्