काठमाडौं १६ माघ । काठमाडौंको सीतापाइलमा मिनी बस र सुमो ठक्करखाँदा एक जनाको मृत्यु भएको छ। दुर्घटनामा ३ जना घाइते भएको काठमाडौं प्रहरी परिसरका प्रवक्ता एसपी दिनेशराज मैनालीले जानकारी दिए।
सोमबार बिहान ११ बजेतिर कलंकीबाट सीतापाइला जाँदै गरेको बा २ ख ३६ मिनिबस र सीतापाइलाबाट कलंकीतर्फ जाँदै गरेको ना १ ज ३४२१ नम्बरको सुमो एकआपसमा ठक्कर खाएका थिए।
रसुवाको गोसाइकुण्ड ६ घर भइहाल पुतलीसडक बस्ने ५१ वर्षीया यायालम घलेको दिउँसो १ बजेतिर मृत्यु भएको छ।
दुर्घटना लगतै प्रहरी वृत्त स्वयम्भू र कालीमाटीबाट खटिएका प्रहरी टोलीले घाइतेहरुलाई उद्धार गरी अस्पताल पठाइएका थिए।
मनमोहन अस्पताल लगिएका ३ जनाको अवस्था सामान्य रहेको प्रहरीले जानकारी दिएको छ। नेशनल अस्पताल कलंकीमा १ जना गम्भीर घाइतेको उपचार भइरहेको एसपी मैनालीले बताए।
प्रतिक्रिया दिनुहोस्