काठमाडौँ, १८ फागुन । नेपाली कांग्रेसले आज ८ दलीय गठबन्धनका संघीय सांसदहरूलाई काठमाडौँको तीनकुनेमा अभिमुखीकरण कार्यक्रम गर्ने भएको छ ।
कांग्रेसको संयोजन र व्यवस्थापनमा आठ राजनीतिक दलका प्रतिनिधिसभा र राष्ट्रियसभा सदस्यलाई राष्ट्रपति निर्वाचन केन्द्रित अभिमुखीकरण कार्यक्रम गर्न लागिएको हो ।
बिहीबार दिउँसो १ बजे तीनकुनेस्थित रोयल ब्याङक्वेटमा अभिमुखीकरण कार्यक्रम हुने कांग्रेस मुख्यसचिव कृष्णप्रसाद पौडेलले बताए ।
कार्यक्रममा कांग्रेस, नेकपा (माओवादी केन्द्र), जनता समाजवादी पार्टी (जसपा), नेकपा (एकीकृत समाजवादी), लोकतान्त्रिक समाजवादी पार्टी (लोसपा), जनमत पार्टी, राष्ट्रिय जनमोर्चा र नागरिक उन्मुक्ति पार्टीका सांसदहरूका लागि अभिमुखीकरण कार्यक्रम आयोजना गरिएको हो ।
राष्ट्रपतिको निर्वाचन यही फागुन २५ गते हुँदै छ ।
आठ दलको समर्थनमा कांग्रेसका वरिष्ठ नेता रामचन्द्र पौडेलले राष्ट्रपति पदमा उम्मेदवारी दिएका छन् भने नेकपा (एमाले)का तर्फबाट उपाध्यक्ष सुवासचन्द्र नेम्वाङले राष्ट्रपतिमा उम्मेदवारी दिएका छन् ।
प्रतिक्रिया दिनुहोस्