काठमाडौं । दशौं महाधिवेसनपछि नेकपा एमालेका अध्यक्ष केपी शर्मा ओली र नेता भीम रावलबीच पहिलोपटक छलफल भएको छ ।
पार्टी कार्यालय च्यासलमा आज दुई नेताबीच भएको छलफललाई अर्थपूर्ण रुपमा हेरिएको छ । १०औँ महाधिवेशनमा अध्यक्ष पदमा पराजित भएका रावल त्यसपछि एमालेमा सक्रिय थिएनन् ।
एमाले उपाध्यक्ष विष्णु पौडेल सहभागी कार्यक्रममा अछाममा नाराबाजी भएपछि रावलसँग वार्ता गर्न पौडेलको संयोजकत्वमा कार्यदल बनाइएको थियो ।
उक्त कार्यदलमा पार्टी सचिव लेखराज भट्ट र स्थायी कमिटी सदस्य कर्ण थापा थिए । रावलले यस अघि उक्त समितिसँग केही समय अघि छलफल गरेका थिए ।
अध्यक्ष ओली रावतलाई एक पल्ट भेट गराउने गरी कार्यदलले तयारी गरेको थियो । त्यसको केही समयपछि आज दुवैबीच भेटवार्ता भएको हो ।
प्रतिक्रिया दिनुहोस्