काठमाडौै, ६ साउन । राष्ट्रिय स्वतन्त्र पार्टी रास्वपाका सभापति रवि लामिछाने र अमेरिकी राजदूत डिन आर थम्पसनबीच भेट भएको छ।
सभापति लामिछाने र राजदूत थम्पसनबीच पार्टी कार्यालय, वनस्थलीमा भेट भएको रास्वपाले जानकारी दिएको छ।
भेटघाटमा मुख्यतयः नेपालको आर्थिक विकास र सुशासनका विषयहरूमा छलफल भएको रास्वपाले बताएको छ।
त्यस्तै भेटमा नेपालीले दिनहुँ भोगिरहेका भिसासम्बन्धि समस्याबारे आफू जानकार रहेको र त्यसको समाधान राजदुतावसको उच्च प्राथमिकतामा रहेको थम्पसनले बताएका थिए।
राजदूतसँगको भेटमा सांसद तथा पार्टीको अन्तर्राष्ट्रिय सम्बन्ध विभाग प्रमुख शिशिर खनाल, केन्द्रीय सदस्य प्रतिभा रावल लगायतको सहभागिता रहेको रास्वपाले जानकारी दिएको छ।
प्रतिक्रिया दिनुहोस्