काठमाडौं, १८ मंसिर । एनसेलको सेयर बिक्रेता कम्पनी आजियाटाको वक्तव्यले नेपालको अन्तर्राष्ट्रिय छविमा आँच पुग्ने र भविष्यमा वैदेशिक लगानी निरुत्साहित हुने भन्दै सांसद सुमना श्रेष्ठले प्रतिकार गर्नुपर्ने बताएकी छन् ।

राष्ट्रिय स्वतन्त्र पार्टी रास्वपा सांसद श्रेष्ठले सोमबार संसद्को शिक्षा स्वास्थ्य तथा सूचना प्रविधि समितिमा पाँच प्रश्न दर्ता गराएकी छन् । उनले ठूला करदाता कार्यालयले थप निर्धारण गरेको कर बक्यौता कति छ र आजियाटा बाहिरिएको अवस्थामा तिर्ने जिम्मा कसको हुन्छ भन्दै प्रश्न गरेकी छन् ।

श्रेष्ठले पूर्वस्वीकृति नलिइ प्रमुख शेयरधनी आजियाटा बाहिरिदा परिणाम के हुन्छन् रु आजियाटाले बेहोर्नुपर्ने कुनै जरिबाना वा सजाय हुन्छ रु भन्दै प्रश्न उठाएकी छन् । उनले टेलियासोनारले आजियाटालाई एनसेल बिक्री गर्दा निर्धारण गरेको र एक्जियाटाले कबोल गरेको क्यापिटल गेन्स कर पूर्ण भुक्तानी गरेको छ कि छैन रु भन्ने प्रश्न सोधेकी छन् ।

उनले सोसम्बन्धी जानकारी यथाशीघ्र समितिलाई उपलब्ध गराइदिन माग गरेकी छन् । “सोसम्बन्धी जानकारी यथाशीघ्र समितिलाई उपलब्ध गराइदिनुहुन समितिमा माननीय मन्त्री रेखा शर्मा, विगतमा टेलियासोनरा आजियाटा प्रकरणमा मुद्दामा नेपालको पक्षमा बहस गर्नु भएका अधिवक्ता सुरेन्द्र भण्डारी र अधिवक्ता बालकृष्ण न्यौपाने, उद्योग सञ्चालनमा भएका चुनौतीहरू र स्थिति सुधारका लागि लगानी बोर्ड नेपाल र दोहोरो करबारे बुझ्नका लागि आन्तरिक राजस्व विभागका प्रतिनिधिलाई बोलाएर कुराकानी गर्नुपर्ने आवश्यक देखेकी छु,” श्रेष्ठले उल्लेख गरेकी छन् ।