काठमाडौं २६ पौष । श्रम, रोजगार तथा सामाजिक सुरक्षामन्त्री शरतसिंह भण्डारीले सम्बन्धित देशको भाषा र सीप सिकाएर श्रमिकलाई वैदेशिक रोजगारीमा पठाउन आग्रह गरिएको बताएका छन् । प्रतिनिधिसभाअन्तर्गतको उद्योग, वाणिज्य र श्रम तथा उपभोक्ता हित समितिको बिहीबारको बैठकमा उनले विभिन्न देशका राजदूतहरूले यस्तो आग्रह गरेको जानकारी दिए ।

“भाषा र सीप कम्तीमा सिकाएर पठाउनुहोस् भन्ने कुरा राजदूतहरूमार्फत आउन थालेको छ,” उनले भने ।  आवश्यक ज्ञान प्रदान गरेर नै श्रमिक विदेश पठाउने भनेर मन्त्रालयले गृहकार्य गरिरहेको उनले बताए ।

उनले वैदेशिक रोजगारीमा बिचौलियाको भूमिका अन्त्यका निम्ति आफूहरूले काम गरिरहेको उल्लेख गरे ।  “वैदेशिक रोजगारीमा बिचौलियाको भूमिका अन्त्य गर्न सकिएन भने यहाँका समस्या समाधान गर्न सकिँदैन,” उनले भने ।

कोरम नपुग्दा यसअघि समितिको बैठक १५ मिनेटका निम्ति स्थगित गरिएको थियो ।  बैठकमा मन्त्री पुगे, कोरम पुगेन