काठमाडौ २८ माघ । नेपाली कांग्रेसले केन्द्रीय कार्यसमितिको बैठक बोलाएको छ । महासमिति बैठकको अगाडि ३ फागुनमा केन्द्रीय समिति बैठक बोलाइएको हो ।
फागुन ७ देखि १० सम्म हुने महासमितिको बैठकका सम्बन्धमा छलफल गर्ने गरी केन्द्रीय समितिको बैठक आव्हान गरिएको मुख्य सचिव कृष्णप्रसाद पौडेलले जानकारी गराए ।
‘महासमिति बैठकमा पेश गरिने एजेण्डाहरुमा छलफल गर्न महासमिति बैठक बोलाइएको हो,’ मुख्य सचिव पौडेलले भने ।
केन्द्रीय समिति बैठकले महासमिति बैठकमा पेश हुने प्रतिवेदनहरु पनि अनुमोदन गर्ने भएको छ । महासमिति बैठकमा उपसभापति पूर्णबहादुर खड्का, महामन्त्री गगन थापा र विश्वप्रकाश शर्माले प्रतिवेदन पेश गर्नेछन् ।
खड्काले नीति, थापाले सांगठनीक र शर्माले समसायीक राजनीतिक प्रतिवेदन पेश गर्ने जिम्मेवारी पाएका छन् ।
प्रतिक्रिया दिनुहोस्