काठमाडौैं ३२ साउन ।   सोलुखुम्बुको खुम्बु पासाङल्हामु गाउँपालिका–५ थामे भन्ने ठाउँमा गएको हिमपहिरोमा परेर ३ वटा र एउटा छात्रावास बगाएको छ।

सोलुखुम्बुकी प्रमुख जिल्ला अधिकारी सीडीओ देवी पाण्डे खत्रीले ३ वटा घर र एउटा छात्रावास बगाएको खबर आएको जानकारी दिइन्।

उनका अनुसार, त्यहाँ प्रहरीको टोली पुग्ने क्रम जारी छ। अहिलेसम्म त्यहाँकै नजिक रहेका १० जना नेपाली सेनाको टोली पुगेर उद्धारको कार्य भइरहेको छ।

‘३ वटा घर र एउटा छात्रावास बगाएको खबर आएको छ,’ सीडीओ पाण्डेले नेपालखबरसँग भनिन्, ‘अन्य ४ वटा घर पनि बगाउने क्रममा छ। निकै ठूलो क्षति पुगेको ब्रिफिङ त्यहाँबाट भएको छ।’

सोलुखुम्बुको खुम्बु गाउँपालिकामा हिमपहिरो, दूधकोसीमा ठूलो बाढी

सदरमुकाम सल्लेरीबाट उक्त घटना घटेको ठाउँ पुग्न पैदल हिँडेर कम्तिमा पनि ४र५ दिन लाग्ने उनले बताइन्।

‘हामी उद्धारका लागि हेलिकप्टर तयार पारेर बसेका छौँ, तर मौसमका कारण हेलिकप्टर पनि पठाउन सकिएको छैन,’ सदरमुकाम सल्लेरीबाट टेलिफोनमा उनले भनिन्।

उनले कुन ठाउँमा पहिरो आएको हो भन्ने अहिलेसम्म यकिन हुन नसकेको बताइन्। ‘ठूलो वर्षा माथि माथि क्षेत्रमा अझै भएकाले कुन ठाउँमा पहिरो गयो भन्ने पनि पत्ता लगाउन सकेका छैनौँ,ँ उनले भनिन्।

उक्त हिमपहिरोपछि आएको बाढीका कारण दूधकोसी नदीमा ठूलो बाढी आएको छ। दूधकोसी नदी सोलुखुम्बु र खोटाङको सिमा भएर बग्ने नदी हो।

खुम्बु पासाङ ल्हामु, माप्य दूधकोसी गाउँपालिका, सोताङ, थुलुङ दूधकोसी र नेचा सल्यान गाउँपालिका लगायतका नदी किनारका क्षेत्रमा क्षति पुग्नसक्ने अनुमान गरिएको छ।