काठमाडौं ६ भदौं । नेकपा माओवादी केन्द्रका सांसद लेखनाथ दाहालले त्रिभुवन विश्वविद्यालय टियुका पदाधिकारीले महसुस गरेको भनिएको सुरक्षा थ्रेटबारे जानकारी गराउन सरकारसँग माग गरेका छन् ।

बिहीबार प्रतिनिधि सभामा आकस्मिक समयमा बोल्दै सांसद दाहालले त्रिभुवन विश्वविद्यालयमा त्यहाँका उपकुलपति, रेक्टर, रजिष्टार लगायत सुरक्षाको कारण कैयौं दिनदेखि कार्यालयमा उपस्थित नसकेको बताए ।

यो विषयमा शिक्षा, विज्ञान तथा प्रविधि मन्त्री विद्या भट्टराईले सदनलाई जानकारी गराउनुपर्ने उनको माग छ ।

‘सत्य के हो रु सत्य के हो हामीले थाहा पाउनुपर्छ । त्रिभुवन विश्वविद्यालयमा असुरक्षा हुन्छ भने अन्त सुरक्षा कहाँ दिन सकिन्छ । सरकार छ कि छैन रु सरकार छ भने टियुमा सुरक्षा दिनु पर्यो’ उनले भने ।

समस्याको पहिचान गरेर समाधान दिन सरकारलाई उनको आग्रह छ । ‘समस्या के हो रु राजनीतिक समस्या हो भने वार्ताद्धारा हल गर्नुपर्यो । गुण्डागर्दी हो भने कानुनी प्रक्रियाद्धारा नियन्त्रण गर्नुपर्‍यो’ उनले भने ।