काठमाडौं ३१ भदौ । राष्ट्रपति रामचन्द्र पौडेलले संघीय संसद्का चालु दुवै सदनको अधिवेशन अन्त्य गरेका छन्।
राष्ट्रपति कार्यालयले विज्ञप्ति जारी गरेर यस्तो जानकारी दिएको हो।
राष्ट्रपति कार्यालयकी प्रवक्त्ता शैलजा रेग्मी भट्टराइले सोमबार जारी गरेको विज्ञप्तिमा भनिएको छ, ‘नेपालको संविधानको धारा ९३ को उपधारा २ बमोजिम मन्त्रिपरिषद्को सिफारिसमा संसद्को चालु अधिवेशन अन्त्य गरिएको छ।’
मन्त्रिपरिषदको यही भदौ ३० गतेको बैठकले संसदका दुवै सदनको चालु अधिवेशन सोमबार राति १२ बजेबाट लागू हुनेगरी अन्त्य गर्न राष्ट्रपतिसमक्ष सिफारिस गरेको थियो।
उक्त सिफारिसअनुसार राष्ट्रपति पौडेलले संसद्को चालु अधिवेशन अन्त गरेका हुन्। संसद् अधिवेशन अहिले बसिरहेको छ।
प्रतिक्रिया दिनुहोस्