काठमाडौं ७ असोज । राष्ट्रिय स्वतन्त्र पार्टी रास्वपाका समर्थक र सूर्यदर्शन सहकारीका पीडितहरूले पोखरामा प्रदर्शन गरेका छन्। पूर्वडीआईजी समेत रहेका रास्वपा सभापति रवि लामिछानेको साझेदार छविलाल जोशी बन्जाडेलाई पक्राउ गरेर पोखरा लगिएको छ।
आइतबार साँझ जोशीलाई पोखरा लगिएपछि सभापति लामिछानेलाई पनि पक्राउ गर्ने तयारी भएको हल्ला चलेको थियो। रास्वपा कार्यालयमा प्रहरी तैनाथ भएपछि आइतबार राति अबेरसम्म समर्थकहरूले समर्थनमा नाराबाजी गरेका थिए।
सोमबार बिहानैबाट उनीहरू रवि र रास्वपाको समर्थनमा पोखराको सडकमा प्रदर्शन गर्न उत्रिएका हुन्।
रास्वपा समर्थकहरू सडकमा उत्रिएपछि सहकारीका बचतकर्ताहरू पनि प्रदर्शनमा उत्रिएका छन्। सहकारीका बचतकर्ताहरूले आफ्नो माग सम्बोधन गर्दै न्याय दिलाउनुपर्नेमा रास्वपा कार्यकर्ताहरू उल्टै सडकमा उत्रिएको गुनासो गरेका छन्।
प्रतिक्रिया दिनुहोस्