काठमाडौं २६ असोज। आज बडादशैं अर्थात् दुर्गापक्षको मुख्य दिन आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाएर मनाउने क्रम शुरु भएको छ ।

हरेक वर्ष राष्ट्रपति विद्या भण्डारीका हातबाट टिका लगाउंदै आएका ओलीले यसपटक राष्ट्रपति रामचन्द्र पौडेल र पूर्व राष्ट्रपति भण्डारीसंग पनि टीका नलगाउने बताइएको छ । साथै उनले अन्य सर्वसाधारणलाई पनि हालैको बाढी पहिरकोका कारण देश शोकमा रहेको भन्दै टिका नलगाइदिने बताएका छन् ।

बिहान ८ बजेर ३३ मिनेटमा देवी विसर्जन गरेपछि टीका लगाउन सकिन्छ । तर उत्तम साइत खोज्नेहरुका लागि नेपाल पञ्चाङ्ग निर्णायक विकास समितिले ११ बजेर ३६ मिनेट तोकिदिएको साययत मा प्रधानमन्त्री केपी शर्मा ओलीले बुवा मोहन प्रसाद ओलीका हताबाट सरकारी निवास बालुवाटारमा टीका लगाएका छन् । साथमा उनकी पत्नी राधिका शाक्यलाई ससुरा मोहनप्रसाद र पति ओलीले टिका लगाइदिएका छन् ।
नेपालस्थित अमेरिकी राजदूत डि आर थम्सनले पनि दूतावासका कर्मचारीका साथमा टिका तथा जमरा लगाएको फोटो सार्वजनिक गरेका छन् ।
आज देशभर टिका लागउने प्रक्रिया दिनभर जारी रहने छ । ।

परम्परा अनुसार पूर्वपश्चिम टीकाको साइत हो । पूर्वपट्टि फर्केर टीका थाप्ने र पश्चिम फर्केर लगाइदिने गरिन्छ । सामान्यतयाः पूर्वपश्चिम नै हाम्रो पुरानो परम्परा छ ।

दक्षिणतिर पितृकर्म मात्रै गरिने भएकाले दक्षिण फर्किने चलन छैन । कतिपयले चन्द्रमा हेरेर साइतका आधारमा पनि टीका लगाइदिने र थाप्ने दिशा तय गर्छन् । तर त्यति विस्तृत रुपमा जाने चलन छैन ।

नेपाल पञ्चाङ्ग निर्णायक विकास समितिका सदस्य डा‍. बासुदेव कोइरालाले टीका लगाइमाग्ने व्यक्ति पूर्व फर्किने र लगाइदिने व्यक्ति पश्चिम फर्किनुपर्ने बताए ।