काठमाडौं २९ कात्तिक । जनमत पार्टीका अध्यक्ष एंव प्रतिनिधिसभा सदस्य सीके राउतले मुलुकमा स्थायीयत्वको लागि निर्वाचन प्रणाली फेर्नुपर्ने आवश्यकता रहेको बताएका छन् ।

कान्तिपुर मिडिया ग्रुपले काठमाडौंमा आयोजना गरेको कान्तिपुर कन्क्लेभ–२०२४ मा राउतले उक्त भनाइ राखेका हुन् ।

‘स्थायित्वका लागि हामीले निर्वाचन प्रणाली फेर्नुपर्ने हुन्छ । सम्भवः समानुपातिक प्रणाली नै खारेजसम्म गर्न सक्नुपर्छ कि भनेर आभास व्यक्तिहरूबाट आएको छ,’ कन्क्लेभको दोस्रो दिन बिहीबार आयोजित पहिलो सत्र ‘निर्वाचनमा सुधार स् नीति कि प्रवृत्ति रु’ विषयक अन्तक्रिया कार्यक्रममा उनले भने, ‘नेपालमा दुई दलीय व्यवस्था आवश्यक छ कि भन्ने भाष्य सिर्जना भइरहेको छ ।’ साथै उनले नेपाल विधिताले भरिएको राष्ट्र रहेकाले स्थायित्वका लागि समानुपातिक प्रणाली आवश्यक रहेको उल्लेख गरेका छन् ।

‘समानुपातिक प्रणाली नेपालमा निकै आवश्यक रहेको म ठान्दछु,’ राउतले भने, ‘नेपाल भनेकै एक विधितापूण देश हो । करिब सवा सयभन्दा बढी भाषा, समुदाय रहेको देश हो ।’

यसैगरी पछिल्लो समयमा नेपालमा राजनीतिक स्थायित्वका लागि दुई दलीय प्रणालीको विषय उठिरहेकाले यसमा उनले उक्त प्रणाली लागू गर्न खोज्नु खतरनाक भएको समेत संकेत दिएका छन् ।

‘यदि स्थायित्व जरूरी छ भने त्यसको लागि समावेशीतालाई त्याग गर्ने गरी नै आवश्यक छ भने राजा महेन्द्रको कालमा स्थायित्व थियो कि थिएन रु राजा वीरेन्द्रको कालमा स्थायित्व थियो कि थिएन रु,’ उनले भने, ‘हामी त्यही स्थायित्वको पुनः खोजी गर्दैछौं कि रु र जुन दुई दलीय प्रणालीको कुरा गर्दैछौं डोमिनेन्ट रूपमा त्यसलाई ल्याउने कुरा गर्दैछौं त्यो भन्नु भनेकै राजा महेन्द्रको एउटै भाषा एउटै भेष नीति थियो त्यो भन्दा खटतरनाक जस्तो मलाई लाग्छ ।’