काठमाडौं १० मंसिर । पूर्वप्रधानमन्त्री झलनाथ खनालले चीनको बीआरआई प्रोजेक्टमा नेपाल अघि बढ्नुपर्ने उल्लेख गर्दै चीनसँग ऋण लिँनै हुन्न भन्ने ढंगले अघि बढ्न खोजिएको हो भने आपत्तिजनक हुने धारणा राखेका छन् ।

प्रधानमन्त्री केपी शर्मा ओली सोमबार आशान्त चीन भ्रमणकाबारेमा गरेको छलफलमा क्रममा पूर्वप्रधानमन्त्री खनालले कुन ऋण कुन अनुदान लिने नेपालको सार्वभौम विषय भएको र आवश्यकताका आधारमा तय हुने बताए ।

प्रधानमन्त्री ओलीले यसपटक चीन भ्रमणका क्रममा कुनै ऋण सम्झौता नहुने जानकारी दिएपछि पूर्वप्रधानमन्त्री खनालले आवश्यकता आधारमा हुनुपर्ने बताए ।

प्रधानमन्त्रीले यसलापली भ्रमणमा लोन सम्झता गर्दिन भन्नुभयो । चीन सँग लोन लिनै हुन्न भन्ने नीति बनाउन लागिएको हो भने आपत्तिजनक होु पूर्वप्रधानमन्त्री खनालले भने ।

बीआरआईलाई ऋणको पासोको रुपमा कतिपयले प्रोजेक्सन गरिरहेकोमा उनले आपत्ति जनाए ।

अब बीआरआई ग्लोबल प्रोजेक्ट भइसक्यो । दुई तिहाइ भन्दा बढी मुलुकले फाइदाजनक भनेका छन् । ती कुनैपनि मुलुकले डेब्ट ट्र्याप भनेका छैनन् । एकाध मुलुकका एकाध मुलुकले डेब्ट ट्रयाप भनेका छन् ।यो आग्रहपूर्ण कुरा होु उनले भने,ुबीआरआईबाट लोन लिन हुँदैन भन्ने पूर्वाग्रह हो । यस्ता कुरामा नेपालजस्तो देशले स्वतन्त्र निर्णय गर्नुपर्छ कुनै प्रेसर लिनुहुँदैन ।

उनले नेपालको प्रधानमन्त्रीले अन्तर्राष्ट्रिय भ्रमण कुन मुलुकबाट गर्ने भन्ने परम्मपार बसाउने र त्यसबारे चर्चा गर्ने कुरा सदाका लागि अन्त्य गर्नुपर्ने बताए । सार्वभौम देशको प्रधानमन्त्री विश्वका कुनै पनि देशको भ्रमण जहाँबाट पनि सुरू गर्न सक्छु उनले भने ।