काठमाडौं १९ माघ । भारतमा वार्षिक १२ लाख रुपियाँसम्मको आयमा कर नलाग्ने भएको छ।
शनिबार भारतीय वित्तमन्त्री निर्मला सीतारमणले ल्याएको बजेटमा वार्षिक १२ लाख भारु कमाउने व्यक्ति वा परिवारलाई कर नलाग्ने घोषणा गरिएको भारतीय सञ्चारमाध्यमहरुले जनाएका छन्।
त्यो भन्दा बढी वार्षिक आमदानी गर्नेलाई भने कर लाग्नेछ। १२ देखि १६ लाख कमाउनेले १५ प्रतिशत आयकर तिनुपर्नेछ।
त्यस्तै १६ देखि २० लाख कमाउनेले २० प्रतिशत, २० देखि २४ लाख कमाउनेले २५ प्रतिशत र २५ लाख भन्दाबढी कमाउनेले ३० प्रतिशत आयकर तिनुपर्नेछ।
नयाँ बजेटको यस्तो घोषणाले भारतीय मध्यमवर्गलाई ठूलो राहत हुने ठानिएको छ। यसअघि मध्यवर्गबाट धेरै कर लिने गरिएको भन्दै भाजपा सरकारको आलोचना हुने गरेको थियो।
प्रतिक्रिया दिनुहोस्