काठमाडौं ४ चैत । कालीकोटमा आज दिनभर बिजुली नहुँदा सरकारी कामकाज प्रभावित भएको छ । सुर्खेतबाट मुगुसम्मको राष्ट्रिय प्रसारण लाइनमा समस्या आउँदा कालीकोट बिजुलीविहीन बनेको छ ।
त्यहाँका प्राविधिक टोलीले प्रसारण लाइनमा ‘फल्ट’ पत्ता लगाउन नसकेपछि सुर्खेतबाट टोली आइरहेका नेपाल विद्युत् प्राधिकरण कालीकोट वितरण केन्द्रका प्रमुख नारायणप्रसाद पौड्यालले बताउनुभयो ।
कर्णालीमा राष्ट्रिय प्रसारण लाइन पुगेको पाँच वर्ष बितिसक्दा पनि बिजुली भरपर्दो हुन नसकेको गुनासो आउने गरेको छ । सामान्य हावाहुरी र पानी पर्दा पनि बिजुली सेवा अवरुद्ध हुने गरेको छ ।
प्रतिक्रिया दिनुहोस्