काठमाडौं २० चैत । राजावादी आन्दोलनमा हिंसात्मक गतिविधि गरेको आरोपमा पक्राउ परेका राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र र महामन्त्री धवल शमशेर राणालाई थप ६ दिन हिरासतमा राखेर अनुसन्धान गर्न अदालतले अनुमति दिएको छ।
काठमाडौँ जिल्ला अदालतले बुधबार मिश्र र राणासहित ६६ जनालाई थप ६ दिन हिरासतमा राख्न प्रहरीलाई अनुमति दिएको हो।
आइतबार पहिलो पटक ४१ जना, मंगलबार १८ जना र आज थप ७ जनालाई प्रहरीले पक्राउ गरेको हो।
यसअघि चैत १७ गते अदालतले पक्राउ परेका सबैलाई अदालतले ५ दिन म्याद थप गरेको थियो।
उनीहरूमाथि आपराधिक उपद्रव र संगठित अपराधको कसुरमा मुद्दा चलाउने गरी प्रहरीले अनुसन्धान अघि बढाएको छ।
यस्तै, मिश्र र राणासहित ११ जनालाई राज्यविरुद्धको कसुरमा पनि अनुसन्धान गरिने काठमाडौँ प्रहरी परिसरका प्रवक्ता एसपी अपिलराज बोहराले बताएका छन्।
चैत १५ गते ९शुक्रबार० तीनकुनेमा राजसंस्था पुनर्स्थापनाका लागि दुर्गा प्रसाईं नेतृत्वमा भएको प्रदर्शनका क्रममा हत्या, लुटपाट, आगजनी र तोडफोड भएका थिए।
सो घटनामा संलग्न रेहेको आरोपमा प्रहरीले शुक्रबार बेलुका नै मिश्र र राणालाई पनि नियन्त्रणमा लिएको छ।
प्रतिक्रिया दिनुहोस्