काठमाडौँ : सरकारले काठमाडौँलगायत देशका विभिन्न भागमा बसोबास गरिरहेका सुकुम्वासीहरूलाई हटाएको विरोधमा शुक्रबार काठमाडौँको माइतीघर मण्डलमा प्रदर्शन गरिएको छ।
केन्द्रीय संयुक्त संघर्ष समितिको अगुवाइमा गरिएको उक्त प्रदर्शनमा सहभागीहरूले विस्थापित सुकुम्वासीहरूको बसोबासको उचित व्यवस्था गर्न र भत्काइएका घरहरूको क्षतिपूर्ति उपलब्ध गराउन सरकारसँग माग गरेका छन्।
त्यस्तै, प्रदर्शनकारीहरूले कीर्तिपुरस्थित होल्डिङ सेन्टरमा आश्रित विस्थापित सुकुम्वासीहरूलाई उचित विकल्प नदिई त्यहाँबाट नहटाउन पनि सरकारको ध्यानाकर्षण गराएका छन्। यसअघि सरकारले होल्डिङ सेन्टरमा रहेका सुकुम्वासीहरूलाई आफ्नो व्यवस्था आफै गर्न सूचना जारी गरेको थियो।
प्रतिक्रिया दिनुहोस्