काठमाडौं ४ बैशाख । पाकिस्तान र अफगानिस्तानमा अचानक परेका ठूलठूला असिनाले विनाश गरेको छ । पाकिस्तानको राजधानी इस्लामाबाद र अफगानिस्तानको सीमावर्ती खैबर पख्तुनख्वा प्रान्तमा असिनाले सयौं गाडी र घरका झ्यालका सिसा फुटेका छन् ।
इस्लामाबादका बासिन्दाले जीवनमा यति ठूला असिना पहिलो पटक देखेको बताएका बीबीसीले उल्लेख गरेको छ ।
खैबर पख्तुनख्वा क्षेत्रमा पनि असिना परेको थियो । त्यहाँ धेरै ठूलो पानी पनि परेकाले लन्डी कोटल क्षेत्र डुबानमा परेको छ । धेरै गाडी पानीमा बगेका छन् ।
असिनापानीका कारण धेरै कारका सिसा फुटेका भीडीओ र तस्वीर सामाजिक सञ्जालमा भाइरल भइरहेका छन् ।
प्रतिक्रिया दिनुहोस्