काठमाडौ ३० बैशाख । भारत र पाकिस्तानबीच युद्धविरामका बीच भारतीय एयरलाइन्सहरू एयर इन्डिया र इन्डिगोले सीमावर्ती क्षेत्रका केही विमानस्थलबाट आफ्ना उडान रद्द गरेको जनाएका छन्।

भारतका निजी विमान कम्पनी एयर इन्डिया र इन्डिगोले सूचना जारी गरी मंगलबार सीमावर्ती क्षेत्रका केही विमानस्थलबाट आफ्ना उडान रद्द गरेको जानकारी दिएका हुन्।

एयर इन्डियाले आफ्नो एक्स अकाउन्टमा लेखेको छ, ‘पछिल्लो घटनाक्रम र यात्रुको सुरक्षालाई ध्यानमा राख्दै मे १३ ९मंगलबार० जम्मु, लेह, जोधपुर, अमृतसर, भुज, जामनगर, चण्डीगढ र राजकोटबाट हुने उडान रद्द गरिएको छ।’

इन्डिगोले मंगलबार जम्मु, अमृतसर, चण्डीगढ, लेह, श्रीनगर र राजकोटबाट आफ्ना उडान रद्द गर्ने जानकारी पनि दिएको छ।

सल्लाहकारमा, यात्रुहरूलाई थप जानकारीको लागि एयरलाइन्सको वेबसाइटमा सम्पर्क गर्न भनिएको छ।

भारत र पाकिस्तानबीच चार दिनसम्म चलेको सैन्य झडपपछि मे १० मा युद्धविराम भएको थियो।

तर भारतीय सेनाले सोमबार जम्मु कश्मीरको साम्बा सेक्टरमा शंकास्पद ड्रोन देखिएको बताएको छ।

युद्धविराम भए पनि अझै भारत र पाकिस्तानले एकअर्काबीच शंका गरिरहेका छन्।