सर्लाही, ११ चैत । प्रदेश नम्बर २ का मुख्य मन्त्री मोहम्म्द लालबाबु राउतले किसानको उखुको भुक्तानी दिलाउन आफुले तत्काल पहल गर्ने बताएका छन । उखुको भुक्तानीको माग गर्दै किसानले सुरु गरेको आमरण अनसन र किसानको अवस्था बुझ्न आईतबार दिउँसो सर्लाही आउनु भएका मुख्य मन्त्री राउतले आमरण अनसन मै पुगेर किशान हरुका माझ यस्तो बताएका हुन।

भुक्तानी रोकिएको कारण किसान भोकभोकै वस्नुपर्ने अवस्था सिर्जना भएको जानकारी आफुसम्म आएको भन्दै उद्योगले कुनै पनि बहानामा किसानको उखूको भुक्तानी रोक्न नमिल्ने बताएका थिए।

प्रदेशका जनताको समस्याको समाधान प्रदेश सरकारले नै गर्ने भएकोले आफु नेतृत्वको सरकारले किसानलाई उखुको भुक्तानी दिलाउन कटिवद्ध रहेको बताउदै आजै बार्तामा बसि भुक्तानीका लागि टुङ्गो लगाएरै छाड्ने मन्त्री राउतको भनाई थियो । त्यसको लागी उधोगी संग बार्तामा बसि भुक्तानी को लागी पहल थाल्ने प्रतिबद्दता समेत किसान माझ गरेका छन।

किशानको समस्या लाई पुरा गर्न र उधोगी संग बार्तामा बस्न प्रदेशका कृषि मन्त्री शैलेन्द्र साह, उद्योग मन्त्री रामनरेश राय सँगै अन्य उच्चअधिकारीका साथ सर्लाही आएका मुख्य मन्त्री राउतले उखुको भुक्तानी समयमै नहुनुमा प्रसासनको समेत हात रहेको उल्लेख गर्दै प्रशासन लाई आरोप लगाउन समेत पछि परेनन ।

उनले प्रशासन प्रती आरोप लगाउदै सानो सानो सामान ल्याउने नागरीकलाई सिमामा कडा गर्ने प्रशासन ट्रकका ट्रक भारतीय उखु नेपाल भित्रिदा समेत मुकदर्शक भएर बसेको बताए। त्यस्तै उहाँले उद्योगहरुले सर्बप्रथम नेपाली किसानको उखूलाई प्राथमिकता दिनु पर्ने र यहाँका उखु क्रसिङ्ग गरि सके पछि मात्रै बाहिरबाट आएको उखु स्वीकार गर्नुपर्ने धारणा राखेका थिए।

त्यस्तै विभिन्न खाले उद्योग तथा फ्याक्ट्रहरुबाट निस्कने धुँवा, धुलो, प्रदुषण र दुर्गन्ध नियन्त्रण गर्नु पनि स्वयम उद्योगकै दायित्व भएकोले वातावरणमा असर गर्ने गरी संचालनमा रहेका उद्योगलाई कार्वाही गर्न र त्यस समन्धी तत्काल उधोग हरु नलागे आफु उधोग लाई कार्बाही गर्न पछि नहट्ने उनको भनाई थियो ।

कार्यक्रममा प्रदेश नम्बर २ का महान्यायधिवक्त दिपेन्द्र झा, प्रदेश सभा सदस्य डिल्ली प्रसाद उप्रेती, अशोक यादव, उपेन्द्र सिंह, पूर्व सांसद हरि उप्रेती, प्रमुख जिल्ला अधिकारी कृष्ण बहादुर कटुवाल, सुरक्षा निकायका प्रमुख, विभिन्न नगरपालिकाका मेयर, उपमेयर, प्रमुख प्रशासकीय अधिकृत, हरिवनका सम्पूर्ण वडाका वडा अध्यक्ष, विभिन्न राजनितीक दलका प्रतिनिधी, किसान संघसंगठनका प्रतिनिधी, उखु किसान लगायतको उलेख्यरुपमा उपस्थिती रहेको आन्दोलनका अगुवा एवं किसान नेता राजकुमार उप्रेति ले बताए।