सप्तरी, २१ चैत । सप्तरीका सबै स्थानीय तह खुल्ला दिसा मुक्त तथा पूर्ण खोपययुक्त घोषणा गरिएको छ ।

बुधबार जिल्ला सदरमुकाम राजविराजमा आयोजित एक समारोहबीच उक्त घोषणा गरिएको हो । प्रदेश नं. २ का भौतिक योजना तथा पूर्वाधार विकास मन्त्री जितेन्द्र सोनलले सप्तरी जिल्लाको चार किल्ला प्रमाणित गरि खुल्ला दिशा मुक्त तथा पूर्ण खोप घोषणा गर्नुभएको हो ।

सप्तरी प्रदेश नं. २ को दोश्रो तथा नेपालको ४९ औं खुल्ला दिसा मुक्त जिल्ला भएको छ । घोषणा सभामा मन्त्री सोनलले खुल्ला दिसा मुक्त घोषणासगै सप्तरीको विकास निर्माण र पर्यटन क्षेत्रमा थप टेवा पुग्ने विश्वास व्यक्त गर्नुभयो ।

जिल्ला खानेपानी सरसफाई तथा स्वच्छता समन्वय समितिको आयोजनामा स्थानिय रंगशालामा आयोजित समारोहमा विभिन्न जातजातीको भेषभूषामा कला संस्कृति झल्किने झाँकी र नाच गान प्रस्तुत गरिएको थियो । जिल्लाका कुल १ लाख १९ हजार ६ सय ८२ घर धुरीमै चर्पी निर्माण तथा जिल्लाका सवै लक्षित बालबालिकालाई खोप प्रमाणितपछि खुल्ला दिशामुक्त तथा पूर्ण खोप जिल्ला घोषणा भएको हो ।