बुटवल, २५ चैत्र । नेपाली कांग्रेसका केन्द्रिय सदस्य प्रकाशमान सिंहले प्रधानमन्त्री केपी ओलीको भारत भ्रमण सकारात्मक भएपनि ऐतिहासीक भन्न नमिल्ने बताउनुभएको छ ।
प्रेस युनियन रुपन्देहीको आयोजनामा आज बुटवलमा भएको पत्रकार भेटघाटमा बोल्दै केन्द्रिय सदस्य सिंहले भारतसंग केहि सकारात्मक सम्झौता भएपनि त्यसको कार्यान्वयन पछि मात्र बिश्वास गर्न सकिने बताउनुभयो ।
उहांले संघीय लोकतान्त्रीक संबिधान जारी गर्ने पार्टी नै एकात्मक केन्द्रिय सत्तामा आधारीत बिधान अनुसार चलिरहेको बताउंदै बिधान अनुसार नेतृत्वले पार्टी नचलाएकै कारण पार्टीले सबै चुनावहरुमा पराजित भोग्नु परेको बताउनुभयो ।
भएकै बिधान अनुसार महाधिवेशनको २ महिना भित्र गठन गर्नुपर्ने उपसमितीहरु गठन नगरिएको भन्दै नेता सिंहले उप सभापति नभएकै कारण पार्टी कार्यकर्ताहरुले निती र पार्टीको कार्यक्रमका बिषयमा प्रशिक्षीत हुन नपाएको बताउनुभयो ।
कांग्रेसको बिधानमा उपसापतिको संयोजकत्वमा पार्टी पाठ्यक्रम तथा प्रशिक्षण बिभाग गठन गर्ने ब्यवस्था गरेको छ ।
नेता सिंहले नेपाली कांग्रेसको बिधानलाई समय सापेक्ष नबनाउदां सम्म र भएकै बिधानलाई पालना नगर्दा सम्म पार्टी सुदृढ नहुने बताउंदै नेतृत्व र पार्टी सभापति बिधान कार्यान्वयन गर्न तयार नहुनु भएको गुनासो गर्नुभयो ।
प्रतिक्रिया दिनुहोस्